Шарҳи қасийдати Бонат Суод

«Бонат Суод» машҳур шоир Каъб ибн Зуҳайр ибн Абу Салманинг машҳур қасидасининг номидир. Каъб ибн Зуҳайр ибн Абу Салма Расулуллоҳ соллаллоҳу алайҳи васалламни ҳажв қилар ва У Зот унинг қонини ҳалол қилган эдилар. Аммо Каъб ибн Зуҳайр ибн Абу Салма ўзи тавба қилиб, мусулмон бўлди ва Набий соллаллоҳу алайҳи васалламнинг ҳузурларига келиб, у зотни мадҳ қилиб, «Бонат Суод» номли қасидасини ўқиб берди. Муҳаммад соллаллоҳу алайҳи васаллам уни афв қилдилар. Ушбу қасида жуда ҳам машҳур бўлганидан уни кўпчилик уламолар шарҳлаганлар ва бошқа тилларга таржима ҳам қилганлар. Жумладан, уни Саййид Шариф Журжоний раҳматуллоҳи алайҳи ҳам шарҳ қилган.