Абдулкарим ал-Бухорий ал-Миғий ал-Фақиҳ

Абу Муҳаммад Абдулкарим ибн Муҳаммад ал-Бухорий ал-Миғий ал-Фақиҳ Бухоро аҳлидан. Бу киши имом, ҳанафий мазҳабининг улуғ, тақводор имомларидан бўлиб, муфтий ҳам эдилар. Ўз замоналарида Самарқандда бу кишидан фозил, фақиҳ, тақводор зот йўқ эди. Эшитган ҳадислари саҳиҳ эди. Абдуллоҳ ибн Муҳаммад ал-Бухорий, Муҳаммад ибн Имрон ал-Бухорий ва Абул Қосим Ҳаким ас-Самарқандийдан ҳадис ривоят қилганлар. Ўзларидан эса Абу Саъд ал-Идрисий ҳадис ривоят қилганлар. Ҳижрий 378 (милодий 989) йилнинг жумодул охир ойида вафот этганлар.