Олдига чиққан ота-она ҳақида

Ассалому алайкум! Биз тарафларда шу нарса урф-одат бўлиб қолган. Яъни кимдир турмуш қурса, келин-куёвнинг олдига кимнидир чиқариш деган нарса бор, олдига чиққанлар ҳам бир оила бўлиб, янги келин-куёвнинг олдига чиққан ота-онаси дейилади. Келин-куёв уларни ота, она деб чақиришади. Уларнинг фарзандлари эса келин-куёв билан опа-сингил, ака-ука бўлишади. Бу риштани боғлаш учун алоҳида ёндашилади, яъни бази бир харажатлар бўлади, бундан ташқари, кейинчалик борди-келди қилинади. Шу одат шариатга тўғри келадими? Агар нотўғри бўлмаса, уни қилган маъқулми ёки қилмаган маъқулми?