Ароқ
00:00 / 03.01.2012 | eski savollar | 1891
Хурматли Шайх хазратлари мени узоқ танишимни ароқ дўкони бор, мен илтимос қилсам ароқни нархини қисман пасайтириб беради. Бошқа танишим ушбу ароқни нархини пасайтиришга ёрдам бер деб менга илтимос қиляпти. Мен ароқ нархини пасайтиришга ёрдам бермасам у барбир бошқа дўкондан ароқ сотиб олади фақат сал қиматроққа. Мен ароқ нархини пасайтиришга ёрдам берсам мени хукумим қандай?Нархини пасайтирганим учун хеч қандай манфаатга эга эмасман. Ароқни танишим тўйига сотиб олмоқчи. Олдиндан рахмат Сизга хазрат.
Шайх Муҳаммад Содиқ Муҳаммад Юсуф роҳимаҳуллоҳ:
- Агар шу ишни қилсангиз, ароқ ҳақида лаънатга қоладиган тоифалардан бўласиз. Бу ишни мутлақо қилиб бўлмайди. Ўша сиздан ёрдам сўраганни ҳам бу ишдан қайтаринг. Тўйда ҳам, бошқа вақтда ҳам ароқ олмасин. Дўкони бор одам ҳам ароқ сотишни ташласин. Ҳалол нарсаларни сотсин.
