Очиқ ерда азон ва такбир айтиб намоз ўқиганда
Ассалому алайкум! Бир маълумот ҳақида эшитдим. Сарахсийнинг "Мабсут" китобида қуйидагича ёзилган экан. "Ким очиқ ерда азон ва иқомат айтиб намоз ўқиса мағриб ва машриқ орасидаги фаришталар у билан қўшилиб намоз ўқийдилар. Азон ва иқомат айтмай намоз ўқиган киши билан эса фақат икки фаришта намоз ўқийдилар". Шу тўғри маълумотми?
– Ва алайкум ассалом! Шундай ҳадис бор.
عنْ سَلْمَانَ الْفَارِسِيِّ ـ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: إِذَا كَانَ الرَّجُلُ بِأَرْضِ قِيٍّ أي فلاة ـ فَحَانَتِ الصَّلَاةُ، فَلْيَتَوَضَّأْ، فَإِنْ لَمْ يَجِدْ مَاءً، فَلْيَتَيَمَّمْ، فَإِنْ أَقَامَ صَلَّى مَعَهُ مَلَكَاهُ، وَإِنْ أَذَّنَ وَأَقَامَ، صَلَّى خَلْفَهُ مِنْ جُنُودِ اللهِ مَا لَا يُرَى طَرَفَاهُ. رواه الطبراني في الكبير وعبد الرزاق في المصنف
Солмон Форсий розияллоҳу анҳудан ривоят қилинади:
Расулуллоҳ соллаллоҳу алайҳи васаллам “Қайси киши бирор жойда(саҳро каби кенг жойда) бўлса, намоз вақти кириб таҳорат олса, сув топа олмаса таяммум қилса ва намозга турса у билан бирга икки фаришта намоз ўқийди. Агар азо ва иқомат айтиб намоз ўқиса икки тарафи кўринмайдиган даражада Аллоҳнинг аскарлари у билан бирга намоз ўқишади” дедилар.
Табароний ва Абдурраззоқлар ривояти. Валлоҳу аълам!
