Эски йиллардаги дискларни йиғиш

БИСМИЛЛАҲИР РОҲМАНИР РОҲИЙМ. Аллоҳ таолога Ўз жалолига лоиқ хамду санолар бўлсин! Ортларидан Набий йўқ Зотга дуруду саловотлар бўлсин! Хурматли Абу Муслим, Ассалому Алайкум! Анчадан бери қани энди, Шайх жанобларини хурсанд қиладиган бир нарса топилиб қолса-ю шуни қилиб У зотни хурсанд қилсам, деб юрардим. Савол жавоб сахифасининг 15.03.2012 йилги "савдо ва тижорат" бўлимида бир нарса уқиб қолдим. Унда муазмунан шундай гаплар бор эди: "Мухтарам Шайх жаноблари, Сизнинг бундан тахминан 10-15 йил аввалги маъруза ва даъватларингиз ёзилган 10 тача аудио кассеталарни диск кўринишига келтиргандик. Хозир шу дискларардан ўзимиз фойдаланмоқдамиз. Улардан бошка кариндошларга хам бермоқчи эдик, албатта бунда сотиш ниятимиз йуқ. Шу ишни килсак бўладими...?" Шайх Муҳаммад Содиқ хазратларининг жавоблари: "-Агар имкон бўлса, бизга ҳам бир нусха беринглар. Шу муносабат билан айтамизки, кимда бизнинг овоз ва сувратли ёзувларимиз бўлса, бир нусха берсалар жуда ҳам хурсанд бўламиз. Чунки, кўпчилик ўз маросимларида ва бошқа муносабатларда ёзиб олган бўладилар". Хурматли Абу Муслим ака! Мени таклифим қуйидагича: Шайх жанобларининг турли муносабатлар билан аввалги йиллардаги маъруза ва аудио касеталардаги сухбатларини жамлаш борасида форумга ва шу ерга ҳам эълонлар берсак. Одамларда бунақа диск ва касеталар анчагина бўлса керак. Шуларни йиғиб, жамлаб, тартибга солиб диск шаклига келтириб Жанобимизга хадя этсак, У зотни хурсад қилсак, жуда яхши иш бўларди. Шу каби бир ишни қилиб У зотни хурсанд қилиш орзуим эди, афсус хозир бу ерда эмасман. Хурмат билан Абу Абдурахмон!