Тасодифий ўлим
15:21 / 19.09.2020 | Alisher | 1462
Ассалому алайкум! Бир танишим кутилмаган ҳолда ёши катта онахонни мошинасида уриб ўлимига сабабчи бўлди. Онахонни барча маросимларида қўлидан келганича қатнашди. Раҳматли онахонни ворислари акамизни судда даво қилмаслиги учун 3500 доллар сорамоқда. Пулни берса судда даво қилмаслиги айтишибди. Мен унга бериш керак деган фикрни айтдим. Бундай вазиятда нима қилиш керак?
«Зикр аҳлидан сўранг» ҳайъати:
– Ва алайкум ассалом! Онахонни хуни 500 динор. Бу ҳозирги кунда 50.000 долларга яқин. Шу пулни бериш ўлимига сабабчи бўлган ўша одамнинг зиммасига шарт. Бермаса қиёмат кунида қарздор ҳисобланади. Агар 3500 га рози бўлишса, зиммангиздан соқит бўлади. Валлоҳу аълам!
