Қазо намозлар

Ассалому алайкум ва раҳматуллоҳу баракотуҳ Шайх Ҳазратлари!Устоз мен 23 ёшимгача намоз ўқимаганман. Мен қолиб кетган фарз намозларимни қуйидаги тартибда адо этсам бўладими:1. Ҳар куни бамдод намоздан сўнг олдинги ўқилмаган 2 ракаат фарзнинг қазосини ўқиб оламан ва ҳар куни шу тарзда бамдод намозининг қазоларини ўқиб боравераман. Қолган 4 маҳал қолдирилган намозларни ҳам шу тарзда ўқисам бўладими?(Яъни, Бомдод намозидан сўнг Бомдод қазоси; Пешин намоздан сўнг Пешиннинг қазосини ва қолганлари ҳам шу тарзда). Ва ҳар бир қазо намозни ўқишда фалон йилнинг, ойнинг, куннинг фалон намозини деб ният қилиш керакми (агар шундай бўлса, бирор бир кундалик дафтар тутиб унда адо этилаётган қазо намозларнинг вақтини тартиб билан ёзиб бориш йўлга қўйиш керакми) ёки фақатгина фалон намозни қазоси деб ният қилиш керакми? 2. Витр намознинг ҳам қазоси ўқиладими? Устоз саволим чўзилиб кетган бўлса ва камчиликлари бўлса олдиндан узр сўрайман. Ассалому алайкум ва раҳматуллоҳу баракотуҳ!