Каналга видео қўйиш
Ассаламу алайкум! Мен блогерман. Каналимда ҳар ҳил малумотларни ёритиб бораман. Ислом динига яқин бўлганим сабабли видеоларимда Ислом динида тақиқланган нарсани аралаштирмасликка қаттиқ ҳаракат қиламан. Кеча араб каналидан масжидларда ўғирлик тасвирланган видео кўрдим. Ўзбекча ном билан ўша видеони каналимга юкламоқчидим. Менда гумон пайдо бўлди, бу ишим ҳаром эмасмикин деб. Ўзимизнинг янгилик сайтлар ҳам чиқарган экан шундай видеолардан, барибир бу гумонимни йўқотолмади.
– Ва алайкум ассалом! Мусулмонларни қоралайдиган видеоларни қўйманг. Бир нарсани ёдда тутинг, сизни қўйган видеоларингиз орқали одамлар яхшиликка интилишсин. Ислом ва мусулмонлардан кўнгилни совутадиган бирорта ҳам иш қилманг. Дин душманлари у ишларни аъло даражада бажаришмоқда. Валлоҳу аълам!
