Талоқ бермаган лекин қонуний ажрашганда
21:32 / 21.07.2021 | Alhamdulillah | 1467
Ассалому алайкум! Мен турмушимдан қонуний ажрашганман, лекин талоғимни бермаган. Бир домладан сўраганимда, ажримга розилик берган бўлса талоқ ўрнида ўтади деганди. Шу масалага аниқлик киритиб беришингизни илтимос қилиб қолар эдим.
«Зикр аҳлидан сўранг» ҳайъати:
– Ва алайкум ассалом! Ажримда нима гаплар бўлганига қаралади. Агар ажрашаман деб қўл қўйсам ҳам сени талоғингни бермайман деб туриб олса талоқ тушмайди. Бу каби масалаларни жонли мажлисда, икки томон ҳузурида кўриш керак. Сизлар ўзингизга яқин жойдаги бирор аҳли илмга учраб маслаҳат қилинглар. Валлоҳу аълам!
