Маҳси ҳақида
Бу масалани ўтган йили ҳам фильм қилиб, ҳам суратга олиб, ҳам ёзиб тўлиқ баён қилинган. Ўшани топиб кўринг, эшитинг, ўқинг. Масҳ тортиладиган оёқ кийими тери бўлсин дейилган ери йўқ. У махсус тайёрланган оёқ кийими. Уламоларимиз масҳ тортиш учун ярайдиган оёқ кийимига қўйган етти шартнинг ҳаммасига жавоб беради. Ўша жаврабни чиқарганлар ёнига бир қанча уламоларнинг фатвосини ҳам қўшиб чиқаришган. Бизнинг одамлар ҳам синаб кўришди. Катта йўлда ўн километрдан зиёд масофага югиришди. Спорт югириши мосламасида ҳам йертилмади. Сувга тушиб юришди, сув кирмади. Сувни ичига тўғазиб кўтаришди. Бир томчи ҳам томмади. Нам ўтмади. Унинг ўзи тике туради. Бошқа шартлар ҳам мавжуд. Сизга яна нима керак! Бунинг устига уни кийишга сизни биров мажбурлаётгани йўқ. Истамасангиз киймай қўяверинг.
