Хафтада 5 кун рўза тутиш

– Ва алайкум ассалом! Рўза савоби улуғ ибодатлардандир. Аммо сизнинг рўзангиз бошқа фарз ва вожиб ибодатларга таъсир ўтказмаслиги, суннатлардан ортда қолдирмаслиги лозим. Бу тарзда рўза тутсангиз доимо рўзадор бўлиб юриш одатга айланиб қолиши ҳам мумкин, ваҳоланки ибодат одатнинг хилофи бўлиши лозим. Қазо рўза бўлса, тезроқ тутишга ҳаракат қилинг. 

أَنَّ عَبْدَ اللهِ بْنَ عَمْرٍو رَضِي اللهُ عَنْهُ قَالَ: أُخْبِرَ رَسُولُ اللهِ  صَلَّى اللهُ عَلَيْهِ وَسَلَّمَ أَنِّي أَقُولُ وَاللهِ لَأَصُومَنَّ النَّهَارَ، وَلَأَقُومَنَّ اللَّيْلَ، مَا عِشْتُ. فَقُلْتُ لَهُ: قَدْ قُلْتُهُ بِأَبِي أَنْتَ وَأُمِّي. قَالَ: «فَإِنَّكَ لَا تَسْتَطِيعُ ذَلِكَ، فَصُمْ وَأَفْطِرْ، وَقُمْ وَنَمْ، وَصُمْ مِنَ الشَّهْرِ ثَلَاثَةَ أَيَّامٍ، فَإِنَّ الْحَسَنَةَ بِعَشْرِ أَمْثَالِهَا، وَذَلِكَ مِثْلُ صِيَامِ الدَّهْرِ». قُلْتُ: إِنِّي أُطِيقُ أَفْضَلَ مِنْ ذَلِكَ. قَالَ: «فَصُمْ يَوْمًا وَأَفْطِرْ يَوْمَيْنِ». قُلْتُ: إِنِّي أُطِيقُ أَفْضَلَ مِنْ ذَلِكَ. قَالَ: «فَصُمْ يَوْمًا وَأَفْطِرْ يَوْمًا، فَذَلِكَ صِيَامُ دَاوُدَ عَلَيْهِ السَلام وَهْوَ أَفْضَلُ الصِّيَام». فَقُلْتُ: إِنِّي أُطِيقُ أَفْضَلَ مِنْ ذَلِكَ. فَقَالَ النَّبِيُّ صَلَّى اللهُ عَلَيْهِ وَسَلَّمَ: لَا أَفْضَلَ مِنْ ذَلِك 

Абдуллоҳ ибн Амр розияллоҳу анҳумо айтади:
«Расулуллоҳ соллаллоҳу алайҳи васалламга менинг «Аллоҳга қасамки, ҳаёт эканман, кундузи рўза тутаман, тунни ибодат билан ўтказаман», деяётганим хабар қилинди. Мен у зотга дедим: «Ота-онам сизга фидо бўлсин, ҳақиқатдан ҳам шундай дедим». У зот: «Сен буни қила олмайсан. Шу боис, рўза ҳам тут, оғзи очиқ ҳам юр. Бедор ҳам бўл, ухлагин ҳам. Ойда уч кун рўза тут. Зеро, яхшилик эвазига унинг ўн баробари бордир. Мана шу йил-ўн икки ой рўза тутган кабидир», дедилар. Мен: «Бундан ортиғига ҳам тоқатим етади», дедим. У зот: «Унда бир кун рўза тут, икки кун оғзи очиқ юр», дедилар. Мен: «Бундан ортиғига ҳам тоқатим етади», дедим. У зот: «Унда бир кун рўза тут, бир кун оғзи очиқ юр. Бу Довуд алайҳиссаломнинг рўзасидир ва бу энг афзал рўзадир», дедилар. Мен: «Бундан ортиғига ҳам тоқатим етади», дедим. Набий соллаллоҳу алайҳи васаллам: «Бундан ортиғи йўқ», дедилар». ("Олтин силсила" китобидан "Саҳиҳул Бухорий").

وَعَنْ عَائِشَةَ قَالَتْ: كَانَ النَّبِيُّ صَلَّى اللهُ عَلَيْهِ وَسَلّمَ يَتَحَرَّى صَوْمَ الاثْنَيْنِ وَالْخَمِيسِ. رَوَاهُ التِّرْمِذِيُّ  

Оиша розияллоҳу анҳодан ривоят қилинади:
“Набий соллаллоҳу алайҳи ва саллам душанба ва пайшанба куни рўзасини тутишга ҳаракат қилар эдилар”.
Термизий ривояти. Валлоҳу аълам!