Ҳақ масаласи
Ассалому алайкум! Биз Туркия давлатида супермаркетларнинг алюмин ром ва эшикларини ясаб ўрнатамиз. 6 кишимиз. 2 киши устахонада ясаб тайёрлаб беради 4 киши бориб ўрнатиб келамиз. Ўрнатишга борган жойимизда эски алюмин профилларини олиб сотамиз. Бошлиғимиз рухсат берган. Устахонада қолган 2 киши эрталаб 9 дан кечқурун соат 17 гача ишлаб уйларига кетишади. Биз 4 киши кеч 22:00 гача, баъзан ундан ҳам кечроқ уйга келамиз. Устахонада қолган 2 ҳамкасбимизга эски алюмин профилларини сотган пулимиздан камроқ берсак норози бўлишади. Аслида пул қандай бўлиниши керак. Биз уларга камроқ берсак ҳақларига кирган бўлмаймизми?
– Ва алайкум ассалом! Саволга жавоб бериш учун тафсилотлар етарли эмас. Сизлар 6 киши экансиз, барчангиз ўзаро шерикмисизлар ёки бир бошлиқнинг қўлида ойлик маошга ишлайдиган ҳамкасбмисизлар? Ўша эски алюмин профиллар кимнинг мулки? Бошлиғингизники бўлса, уни сиз тўрталангизга ҳадя қиляптими? Валлоҳу аълам!
