Дам солиш
Ассалому алайкум! Онамни яқин дугоналари бор. У мани азизларим бор, дам солиб тураман ислик бераман, ёш болалани йўйиб тураман дердила. Яқиндан бери онамга сизиям азизларингиз бор йўйимчиликни бўйнингизга олиб устозим фотиҳа берсин, одамларингиз қорайиб кетган, ишингиз юришмайди, болаларингизниям уйи тинч бўмайди бўйнингизга олиб йўйиб юрсангиз яхши бўп қоласиз дейверади. Онамни қайнаналари ҳаётлигида чироқ қўйиб юрган эканла ўша сизга ўтган сиздан умидвор бўлишяпти дейди. Онам эса ман бунга ишонмайман, гунохкор бўп қосамчи, жинла ёки нимадирла манга кўринсачи деб қўрқалла ва унамайдила. Дугоналари эса тинмай олишингиз шарт дейди. Нима қилсак бўлади?
– Ва алайкум ассалом! Одамларим, азизларим бор деяётган одамлар умматнинг ичидаги энг ёлғончи ва фирибгар одамлардан бири ҳисобланади. Улар кофир жинлар билан гаплашиб охиратларини дунёсига алмашган тоифалар. Агар тавба қилиб бу ишларини ташлашмаса охиратда ҳам аламли азобда бўлишади. Онангизни қайтаринглар ва дугонаси билан гаплаштирманглар. Валлоҳу аълам!
