Сайтдан пул ишлаш
Ассалому алайкум! Мен бир сайтни биламан бу сайтга 500 Рубл сармоя киритиб бу пулларга сайтдан турли хил товуқ-қушларни сотиб олиш мумкин. Товуқлар тухум қўяди ва бу виртуал тухумларга сайтнинг ўзи пул ҳақиқий пул тўлайди. Бу сайтда товуқлар 1 кунда ёки 1 ойда қанча тухум қўйиши аниқ бўлади яъни қимор ўйинларидек омадга боғлиқ эмас. Тухумлар орқали 4-5 ойда 500 рублни қайтип чиқариб олса бўлади кейинги ойлардан фойдага кириш мумкин. Сотиб олинган товуқлар 1 йил муддатга берилади. Бу йўл билан пул ишлаш ҳалол бўладими?
– Ва алайкум ассалом! Ҳалол бўлмайди. Бу рибодир. Чунки бу қарз бериб зиёдаси билан қайтариб олишдир. Зиёдалик эвазсиз бўлмоқда. “Виртуал товуғингиз тухум туқса сотиб оламиз” ёки “Видеога лайк боссангиз пул тўлаймиз” деса ишониб кетаверасизми. Мўмин киши зийрак бўлиши керак. Бундай нарсалардан молиявий пирамидаларда парда сифатида фойдаланилади. Валлоҳу аълам!
