Эски фотосуратларим
07:55 / 13.06.2023 | _Fotima_ | 432
Ассалому алайкум! Январ ойида ҳижобга кирдим. Кўпдан бнри ният қилиб юрган эдим. Саволим шундан иборатки мени ҳижобсиз расмларим танишларимда, синфдош группадошларимда бор. Уларни номаҳрамлар кўрса гуноҳ бўладими? Баъзи ўғил бола групадошларим ҳаммамиз тушган расмни иштимоий тармоққа ҳам қўйишган. Мен ҳижобсиз тушган эдим. Айтдим олиб ташламади, “ҳозир ҳижобдаман, илтимос олиб ташланг” десам ҳам. Бунда қандай йўл тутай, олдинги ҳижобсиз расмларим кўп?
«Зикр аҳлидан сўранг» ҳайъати:
– Ва алайкум ассалом! Истиғфор айтинг. Қўлингиздан келганича ўша расмларни олдириб ташлашга ҳаракат қилинг. Бош тортишса жавобгар бўлмайсиз. Валлоҳу аълам!
