Маккага эҳром билан кириш
20:45 / 03 январь | Ayyub | 1280
Ассалому алайкум! Мен Мадина Маккада элликбошилик қиламан. Деярли ҳар куни Мадинага гуруҳ келади, Умра қилдиргани Маккага олиб кетаман, Маккада яна 1, 2 кун болиб Мадинага янги гуруҳ кутгани қайтиб келаман. Саволим шуки, мен доимий иш юзасидан бўлиб эҳром ўраб, ҳар 3 кунда умра қилишга тўлиқиб қоляпман, Натижада ҳожиларни кутволгани қувватим етмай қолябди, мийқотдан ўтишда умрани ният қилмай эҳромсиз Маккага иш юзасидан ўтиб юрсам бўладими?
«Зикр аҳлидан сўранг» ҳайъати:
– Ва алайкум ассалом! Мийқотдан ўтишда асл мақсадингиз барибир ҳам Маккаи мукаррамага бориш бўлган. Шу туфайли эҳром боғлашингиз шарт. Валлоҳу аълам!
