Тажвид бузилмайдими?
15:45 / 18.08.2015 | Zafarov Murodjon | 2464
Ассаламу алайкум! Оят охиридаги сўз қалқала ҳарф билан тугаган бўлса, масалан “Ихлос” сурасида қалқала қилиб талаффуз билан вақф қилмай кейинги оятни ўқиш мумкинми? Ёки ҳарфни қалқала талаффуз қилгандан кейинги оятни ўқишдан олдин вақф лозимми? Жавобларингиз учун олдиндан раҳмат.
«Зикр аҳлидан сўранг» ҳайъати:
Ва алайкум ассалом! Сукун билан тўхтаган қалқала ҳарфи бўлса, қалқала қилиб, вақф қилмай кейинги оятга ўтиб кетса ҳам бўлади. Агар ҳаракатли бўлса, худди “Ихлос” сурасининг 1-ва2-оятларига ўхшаб, унда кейинги оятга ўтишда қалқала қилмай улаб ўтилади. Валлоҳу аълам.
