Ушбу ҳолатда гуноҳкор бўлдимми?
04:48 / 22.09.2015 | Abdulaziz81 | 2751
Ассалому алайкум! Жума намозга тайёргарлик қилиб турганимда қўшни келин қўлида иккита нон билан чиқиб қолди ва менга жума намозига шу нонни ўзим билан олиб бориб, қайтиб олиб келишимни илтимос қилди. Сабабини сўрасам чақалоғини сутдан чиқараётган эмиш, қайнонасини айтиши бўйича шундай ирими бор экан. Шу пайтда шу ишни қилмаслик учун Чорсуга боришимни, у ердан чиқиб бошқа жойга боришимни айтиб ёлғон гапирдим. Бу ишим билан гуноҳкор бўламанми?
«Зикр аҳлидан сўранг» ҳайъати:
Ва алайкум ассалом! Ёлғон гапирганингиз учун гуноҳкор бўласиз. Чиройли йўл билан, динни тўғри тушунтиришга ҳаракат қилиш керак эди. Валлоҳу аълам.
