Намоз
09:02 / 10.07.2015 | МУЗАФФАР ТУРДИМАМАТОВ | 2653
Ассаламу алайкум! Намоз охирида “Ассалому алайкум ва рохматуллоҳ” деб имом салом бераётган вақтда муқтадий имомдан аввал юзини буриб юборса, бирор бир ёмон (макрухи тахримий, макрухи танзихий ёки хорам) амалга кириб қолмайдими? Жавобингиз учун олдиндан раҳмат.
«Зикр аҳлидан сўранг» ҳайъати:
Ва алайкум ассалом! Муқтадий имомдан олдин салом берса, имомга хилоф иш тутганлиги учун макруҳ саналади. Фиқҳий китобларда макруҳ сўзи мутлоқ келтирилганда ундан “таҳримий макруҳ” ирода қилинади. Агар имомдан олдин салом бериб қўйса, қайтадан имом билан салом бериши вожиб бўлади. Валлоҳу аълам.
