Ҳижобли ёки ҳижобсиз қизга уйланишдаги савоблар
17:30 / 23.02.2015 | Дилшод Джураев | 4190
Динсизлик сиёсати авжига олган пайтларда кўп илмдан, илмли инсонларимиздан айрилдик. Нима есак еб, нима қилсак қилиб қўйдик. Ота-оналаримиз илм ва Исломдан узоқ бўлишлиги қаторида, ўз навбатида намоздан ҳам узоқ бўлишди. Вақт ўтиб, мана Мустақиллик даврларига етиб, яна ўзлигимизга қайтмоқдамиз. Биз эса даврга нисбатан илмсиз ва илмлик оралиғида катта бўлдик. Оилада ва яқинлар орасида ҳижобда бўлган аёллар йўқ. Биз бундай ҳолатларда ҳижобга киришга улгурмаган ёки бу ҳақида ҳали илми етмаган яхши қизга уйланиб, уни вақт давомида ҳижобга киритишимиздан бизга кўпроқ яхшилик борми ёки ҳижобда бўлган солиҳа қизни топиб, шунга уйланишимиз бизга фойдалими? Ўйлашимча, мен каби бу муаммога учраб турган йигитлар кўп.
Шайх Муҳаммад Содиқ Муҳаммад Юсуф роҳимаҳуллоҳ:
Вазиятни яхшилаб ўрганиш керак. Одамлар ҳар хил бўлади. Аммо тайёр динни тутиб турган шахс афзал бўлади.
