Қабристон ва мақбаралар зиёрати
Ассалому алайкум! Ҳурматли Устозлар, менга бир инсон “қабристон ва мақбараларга қасддан бориб зиёрат қилинмайди. Пайғамбаримиз соллаллоҳу алайҳи васаллам “Зиёрат қилинадиган жойлар фақатгина 2та Каъбатуллоҳ ва Байтул Мақдис” деб айтганлар. Зиёрат қилишингиз мумкин қачонки, бирор юмуш билан қабристон ёки мақбара олдидан ўтиб кетаётганингизда, кириб тиловат қиласиз ва қачондир биз ҳам шу қабрга кирамиз деб, ўлимни эслаш мақсадида кириб ўтасиз. Лекин мисол учун уйда ўтирганингизда “кетдим мен ўлимни эслаб келай” деб бормайсиз деб айтдилар. Лекин бу саволни масжидимиз имомидан сўрасам ҳар қандай вазиятда бориб зиёрат қилсангиз бўлади дедилар. Илтимос Устозлар шунга аниқлик киритсангизлар. Аллоҳ таоло илмингизни зиёда қилсин.
Ваалайкум ассалом! Бу ҳам ҳозирги кундаги “Салафийлар”миз деб даъво қилувчиларнинг гапларидан биридир. Бу борада бутун уммат бир тараф биргина Ибн Таймия бир тараф бўлган. Улар ўша кишига эрашишган. Валлоҳу аълам.
