Киши қарздор бўлса
Ассалому алайкум! Муҳтарам Устозлар, киши қарздор бўлса ва бериш ниятида бўлсаю ҳақдор сабр қилишни ҳоҳламай ёки ишонмай (балки шароит таъқозосидан) қарздордан ҳаққини ундириш мақсадида устидан шикоят қилса ва қарздор қарзини беролмагани учун суд уни жиноий жавобгарликка тортиб, озодликдан маҳрум қилса ва қарзини 20% ни суд ижрога ундиришга қўйса. Мана шу ҳолда қарздор озодликдан маҳрум этилгани ва 20% ли ижро қарзини тўлаши билан охиратда жавобгар бўладими йўқми? Яъни зиммасидан соқит бўладими?
Ва алайкум ассалом! Қарздор қанча қарзи бўлса, бир тийинини ҳам ҳақдорга тўламагунича қиёматда “қарздор” деган ҳукмда бўлади. Шариатнинг ҳукми ҳам қарздор қарзини тўламаса яқинлари мол дунёларини сотиб қарзини тўламагунича қамаб қўйилади. Қамалгани туфайли зиммасидаги фарзи соқит бўлмайди. Валлоҳу аълам!
