Масжиддаги ҳолат
06:18 / 27.05.2016 | Elyor | 2272
Ассалому алайкум! Мусулмон одам эҳсон қилганда қанча махфий сақласа шунча яхши дeб эшитганман. Ҳатто “ўнг қўл бeрганни чап қўл билмасин” дeйишган илм аҳли. Лeкин бир масжидда жума куни қилинадиган марузадан сўнг масжид имоми ким қанча эҳсон қилганини оммага эълон қилганини гувоҳи бўлдим. Бу ҳол ҳар жума куни қайтарилар экан. Шу иш жоизми?
«Зикр аҳлидан сўранг» ҳайъати:
Ва алайкум ассалом! Имомга “Мен қилган эҳсонимни эълон қилинг” деб айтишган бўлишса керак. Ҳатто баъзилари исми зикр қилинганда ўрнидан туриб, ҳаммага “ўша киши менман” деб ишора қилганини ҳам айтишган эди. Агар имом домлага “Берганимни ҳеч кимга айтманг” деса, у киши айтмаслиги аниқ. Валлоҳу аълам!
