Рўза
09:00 / 13.07.2016 | Jaloliddin | 2076
Ассалому алайкум! Шу жорий йилнинг рамазон ойида 2 та холам 05.07.2016 куни ТВ-да Россия давлатида ҳайит байрамини нишонлашганини кўриб, рўзани очиб юборишган. Бизда ҳайит байрами эртаси куни нишонлангани учун улар иккиланиб қолишди ва шу ҳақида сўраб беришлигимни илтимос қилишди. Саволим шундан иборатки, улар бир кун рўза учун бир кун қазосини тутиб беришадими ёки 60 кун тутиб беришадими? Ёки умуман қазо рўзаси тутилмайдими? Жавоб учун олдиндан ташаккур.
«Зикр аҳлидан сўранг» ҳайъати:
Ва алайкум ассалом! Агар холангиз Ўзбекистонда туриб шундай қилган бўлсалар, 1 кун қазо ва 60 кун каффорат тутиб беришлари фарз бўлади. Валлоҳу аълам!
