Бу ширк эмасми?
08:02 / 21.10.2016 | Jundullah | 2650
Ассалому алайкум! Онам уйда ширкка ўхшаш амаллар қиладилар. Яъни ингичка ёғочларни мойлаб пахта билан ўраб, битта идишдаги тупроққа санчиб, уларни ёқиб, кейин сураларни ўқиб кейин дуо қилиб, у билан бутун уйни тутатиб чиқади. Мен буни ширк десам, “бу ширкмас “Нур” сурасида бу нарса бор” деяпти. Шундай бўлиши мумкинми?
«Зикр аҳлидан сўранг» ҳайъати:
Ва алайкум ассалом! Бу нарса “Нур” сурасида йўқ эканлиги аниқ. Қилаётган ишига келса, агар ўша чўпларни мойлаб “момоларимга, арвоҳларга” деб ёқса ширк бўлади. Уйга исириқ солиш каби бўлса, ширк даражасига етмасада бемаъни ва шариатдан бўлмаган иш эканлиги аниқ. Валлоҳу аълам!
