Қуръон ўқишни ўрганиш, ёдлаш

Ассалому алайкум Шайх ҳазратлари. Ҳазрат мен Қуръонни ўқишни ўрганиб, уни ёд олмоқчи эдим. Шунинг учун менда бир-икки саволлар пайдо бўлди, илтимос шу ҳақида менга маслаҳат берсангиз.1. Ҳазрат Қуръонни ўрганиш ва ёд олиш учун албатта муаллим бўлишлиги керак, бизнинг қишлоқда эса 2 та қори борлар, бирларини ёшлари ўтиб кўз зиёсидан ажраб қолганлар. Иккинчиларини ёшлари 21-23 ораларида, 1 та шогирдлари бор, мен шулардан таҳсил олсам бўладими?2. Ҳазрат Қуръон ёдлаш мабайнида уни намозларда зам қилиш эсда қолиш учун самарали усул экан, мен ёдлаган оятларимни зам қилсам бўладими? Ёки битта сурани тўлиқлигича зам қилиш керакми?3. Ҳазрат мен ўқийман ва ишлайман ҳам, менга қай вақтда Қуръон ёд олиш билан банд бўлишни маслаҳат берасиз?4. Ҳазрат мен ишда ўтирган вақтимда ёдлаган оятларимни ичимда тиловат қилиб ўтирсам бўладими?5. Ҳазрат энг ачинарлиси бизнинг қишлоқда дин борасида илмлилар жуда кам, унинг устига ота-оналар хам эътибор беришмайди. Менинг ҳам ота-онам бунга бироз қаршилик билдиришади, сабаби ишларингни қил, кейин ўрганаверасан дейишади. Намозга жиддий эътибор берсам улар жуда қаттиқ берилиб кетма деб қўрқишади. Ҳазрат агар Қуръон ўрганишимга ҳам қаршилик қилишса мен нима қилсам бўлади?Менга яна нима маслаҳат берасиз? Ҳазрат ота-онамиз ҳақларига дуо қилинг илтимос. Аллоҳ барча мусулмонлардан рози бўлсин!