Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

Уламолар ҳақида?

00:00 / 16.02.2010 | eski savollar | 650
Ассалому алайкум Ҳурматли Шайҳ Ҳазратлари.Аллоҳ сизга бу қилаётган савобли ишларингизга қийрот-қийрот ажрлар берсин.Мартабангизни бунданда улуғ қилсин.Сиздан илтимос Султон Увайс ҳазратлари ва Юсуф Ҳамадоний ҳақида батафсил маълумот берсангиз, Султон Увайс Ҳазратлари Юртимизга ҳозирга Қорақалпогистонга келганмилар, оъша ер Оллоҳқулихон томонидан қурилган мақбараси бор, ва оъша ерда Муножот тоғи бор, биз зиёрат учун борганимизда оъша тоғга чиққанмиз, оъша ердаги тошда битта “из” ва яна бошқа бир тошларда “қон томчилари” бор(ёъқолиб кетмаган) шу ерда оътирган қорилар би изни Султон Увайснинг тиззаларининг изи дейишади,ва оъша қонни Султон Увайснинг тишлари тушгандаги қони дейишади. Шу гап тоъғрими?Юсуф Ҳамадонийнинг қандай ҳислатлари боълган?Ҳозирда касаллар(руҳий,боши айланиб коъзига ҳар хил нарсалар коъринадиганлар, оъзи билан оъзи гаплашадиганлар) Юсуф Ҳамадоний мақбарасига бориб тузалиб келябдилар.Илтимос маълумот берсангиз шу иккита уламо ҳаиқда.Ҳурматли Шайҳ Ҳазратлари ота-онамни, уйимдагиларни, қариндошларимни,доъстаримни иймонли,Аллоҳ суйган бандалари боълишини соъраб,Аллоҳ қалбларига Қуръон, ҳидоят нурини солишини соъраб дуо қилишингизни соъраб қоламан.Битта акам ёшлигидан дарди,касали бор,Аллоҳдан шифо беришини соъраб дуо қилишингизни соърайман.Ассалому Алайкум Ва Раҳматуллоҳи Ва Баракотуҳ.

Шайх Муҳаммад Содиқ Муҳаммад Юсуф роҳимаҳуллоҳ:

ТОБЕЪИЙНЛАРНИНГ ЯХШИСИ УВАЙС ҚОРАНИЙ РОЗИЯЛЛОҲУ АНҲУУшбу сатрлар қаҳрамони Увайс Қораний розияллоҳу анҳу Яманлик солиҳ киши бўлганлар. У киши Расулуллоҳ соллаллоҳу алайҳи васалламга у зотнинг ҳаётликларида иймон келтирганлар. Аммо ўзларига мулоқот бўлиб у зотни кўра олмаганлар. Шунинг учун саҳобий бўла олмай тобеъин бўлиб қолганлар. Умар ибн Хаттобдан ривоят қилинади:«Мен Расулуллоҳ соллаллоҳу алайҳи васалламнинг:«Албатта, тобеъинларнинг яхшиси Увайс деб аталадиган кишидир. Унинг волидаси бор. Унда оқлиқ бор эди. Унга амр қилинглар. Сизларга дуо қилсин», дедилар».Муслим ривоят қилган.Шарҳ: Расулуллоҳ соллаллоҳу алайҳи васалламнинг ўзлари кўрмаган одам ҳақида ахборотлар беришлари мўъжизадир.Расулуллоҳ соллаллоҳу алайҳи васалламнинг саҳобаларга Увайс Қораний розияллоҳу анҳунинг дуоларини олишга тарғиб қилишлари у кишининг фазлларига далолат қилади.Усайр ибн Жобир розияллоҳу анҳудан ривоят қилинади:«Аҳли Кўфа Умарнинг олдига ҳайъат бўлиб келдилар. Уларнинг ичида Увайсни масхара қиладиган бир киши бор эди. Бас, Умар:«Бу ерда қаранийлардан бирорта борми?» деди.Ҳалиги одам келди. Бас, Умар унга:«Батаҳқиқ, Расулуллоҳ соллаллоҳу алайҳи васаллам, сизга Ямандан бир одам келади. Уни Увайс дейдилар. Яманда биттагина онасидан бошқани қолдирмаган бўлади. Унда оқлик бор эди. Бас, Аллоҳга дуо қилган эди. Ундан ўшани кетказди. Фақат бир динорча ёки дирҳамча жой қолди, холос. Сиздан ким унга йўлиқса, бас у сизларга истиғфор айтишини сўрасин, дедилар», деди».Муслим ривоят қилган.Шарҳ: Увайс Қораний розияллоҳу анҳу хокисор одам бўлган эканлар У киши ўзларини жуда ҳам камтарона тутганларидан кўпчилик этибор ҳам бермас экан. Баъзи бирлар эса масхара ҳам қилар экан.Ушбу ривоят ҳам ўша Увайс Қораний розияллоҳу анҳуни масхара қиладиганлардан бирининг сабабидан ворид бўлган экан.«Аҳли Кўфа Умарнинг олдига ҳайъат бўлиб келдилар. Уларнинг ичида Увайсни масхара қиладиган бир киши бор эди». Умар ибн Хаттоб розияллоҳу анҳу халифаликлари вақтида у кишининг олдиларига турли вилоятларнинг ҳайъатлари келиб турар эди. Мана, Кўфадан ўша ҳайъатлардан бири Умар ибн Хаттоб розияллоҳу анҳунинг қабулларгиа кирдилар. Ҳайът аъзолари билан таниша туриб:«Бас, Умар:«Бу ерда бирорта қаранийлардан борми?» деди.Ҳалиги одам келди». Умар ибн Хаттоб розияллоҳу анҳунинг саволларидан кейин ҳалиги Увайс Қораний розияллоҳу анҳуни масхара қилиб юрадиган одам келди.«Бас, Умар унга:«Батаҳқиқ, Расулуллоҳ соллаллоҳу алайҳи васаллам, сизга Ямандан бир одам келади. Уни Увайс дейдилар.Расулуллоҳ соллаллоҳу алайҳи васаллам келажакда бўладиган нарсадан хабар берган эканлар. У зот Увайс Қораний розияллоҳу анҳуни Ямандан Ҳижозга келишларини аввалдан айтиб қўйган эканлар. Бу Увайс Қараний розияллоҳу анҳунинг фазлларидан далолатдир.«Яманда биттагина онасидан бошқани қолдирмаган бўлади». Демак, Увайс Қораний розияллоҳу анҳу онасидан бошқа ҳеч кими йўқ зот эканлар. Қориндош уруғ, бола-чақа деган гаплар йўқ экан.«Унда оқлик бор эди. Бас, Аллоҳга дуо қилган эди. Ундан ўшани кетказди. Фақат бир динорча ёки дирҳамча жой қолди, холос». Бундан Увайс Қораний розияллоҳу анҳуда пес касали бўлгани чиқади. Аммо у киши дуоси қабул бўладиган кишилардан эдилар. Шунинг учун дуолари билан ҳатто тузалмас касаллардан бўлган пес касали ҳам тузалган экан. Фақат озгина жойи Аллоҳ ирода қилган ҳикматга биноан қолган экан.«Сиздан ким унга йўлиқса, бас у сизларга истиғфор айтишини сўрасин, дедилар».Увайс Қораний розияллоҳу анҳунинг фазллари шу ерда яна бир бор намоён бўлмоқда. Пайғамбар соллаллоҳу алайҳи васаллам саҳобаларга Увайс Қораний розияллоҳу анҳудан дуо сўрашга амр қилмоқдалар. Усайр ибн Жобир розияллоҳу анҳудан ривоят қилинади:«Умар қачон унга Ямандан мадад кучлари келса:«Ичингизда Увайс ибн Омир борми?» деб сўрар эди. Охири у Увайсни топди ва:«Сен Увайс ибн Омирмисан?» деди.«Ҳа», деди.«Муроддан, кейин Қаранданмисан?» деди.«Ҳа», деди.«Сенда песлик бўлиб, ундан тузалгансану фақат бир дирҳамча жой қолганми?» деди.«Ҳа», деди.«Волиданг бор-а?» деди.«Ҳа», деди.«Мен Расулуллоҳ соллаллоҳу алайҳи васалламнинг, сизларга Яман аҳли мадад кучлари ичида Увайс ибн Омир келади. У Муроддан, кейин Қарандандир. Унда песлик бор эди. Ундан тузалгану фақат бир дирҳамча жой қолган. Унинг волидаси бор. Унга яхшилик қилади. У агар Аллоҳга қасам ичса, У зот унинг қасамини бажо қилади. Агар ундан сенга истиғфор айтишини сўрай билсанг, ундан истиғфор айтишини сўра, деганларини эштиган эдим. Менга истиғфор айт», деди.Бас, у истиғфор айтди. Умар унга:«Қаерга боришни истайсан?» деди.«Кўфага», деди.«Уернинг омилига мактуб ёзиб берайми?» деди.«Заифҳол одамлар ичида бўлмоғим мен учун маҳбубдир», деди.Келаси йили уларнинг ашрофларидан бир киши ҳажга келди. Умар ундан Увайс ҳақида сўради.«Уни уйи сочилган, матоҳи оз ҳолда тарк қилиб келдим», деди.Умар унга мазкур ҳадисни эшиттирди. Ҳалиги одам қайтгандан сўнг Увайснинг олдига борди ва:«Менга истиғфор айт», деди.«Сен эндигина солиҳ сафардан келдинг. Сен менга истиғфор айт», деди.«Менга истиғфор айт», деди.«Сен эндигина солиҳ сафардан келдинг. Сен менга истиғфор айт», деди.Сўнгра бир оз туриб:«Умарга учрадингми?» деди.«Ҳа», деди.Шунда Увайс унга истиғфор айтди. Одамлар унинг кимлигини билиб қолдилар. Шунда у бошини олиб чиқиб кетди».Муслим ривоят қилган.Шарҳ: Ҳақиқий валийлар шундоқ бўладилар. Улар ўз фазлларини оммадан беркитадилар. Увайс Қораний розияллоҳу анҳу ҳам ўшалардан эдилар. Одамлар у зотнинг валоятларини билиб қолганларидан кейин бошларини олиб чўлу саҳроларга чиқиб кетганлар.Аллоҳ таоло Увайс Қораний розияллоҳу анҳудан рози бўлсин! У киши биз тарафларга келмаган. Бинобарин қабрлари бўлиши ҳам мумкин эмас.

Топ рейтинг www.uz Openstat