1. Ҳар ким ўзиникини ушлаб бошқагани ҳурмат қилиш керак. Ҳукмни Аллоҳга ҳавола қилиш лозим.2. Исломни аввал тақволи ва етарли билимга эга устозлардан ўрганиб, кейин уларнинг тавсияларига биноан китоб ўқиш ва бошқа воситалардан фойдаланиш керак.3. Аввало мўътараф мазҳаблар орасидаги ихтилоф бугунги сиз айтган тарафлар орасидаги ихтилофдан фарқ қилади. Улар ҳақиқий ижтиҳод қилганлар ва ниятларига яраша оладилар. Бугунги сиз айтиб ўтган ихтилофлар ижтиҳод эмас, ихтилоф учун қўзғалган нарсалардир. Шунинг учун, бу қўзғаганлар мухолифларини ҳурмат қилмайдилар, сўкадилар, уларнинг ҳақида турли ҳукмлар чиқарадилар. Аслида эса,ихтилофнинг ҳам қоидаси бор. Унга ҳам амал қилиш керак. Аммо ҳозирда бунга ҳам амал қилинмайди. Аллоҳ барча мусулмонларни тафриқадан асрасин! Тўғри йўлга бошласин.