Поклик
Ассалому алайкум! Бугун тахорат олиш учун мустахаб қилмоқчи бўлганимда хожатхонада кафелга сув тушиб игнани учича майда томчила қўлимга сачради. Ташқарига чиқиб қарасам кийимимдан намлик топаолмадим. Кийимим қуруқ эди. Кейин пешин намозини ўқидим, лекин кўнглим ғаш бўлиб қолди. Бу узрлими ёки шубха бор кийимларимни ювишим керакми? Жавоб учун раҳмат.
Ва алайкум ассалом! Шариатда “Ал яқийн лаа язуулу бишшакк” деган қоида бор. Яъни аниқ пок нарса шубҳа билан нопокка айланмайди. Қолган нарсаларни ҳам шу қоидага солинаверади. Масалан таҳорати аниқ бор инсон таҳорати кетган ёки кетмаганида шубҳа қилиб қолса шакк билан таҳорат кетмайди. Қолаверса "Кифоя" китобида қуйидагича келади: Игнанинг учига ўхшаб сачраган пешоб ҳеч нарса эмас. Бундан сақланиш мушкулдир. Аммо пешоб шу шаклда оқмайдиган сувга тушса, у сув нажас ҳисобланади. Қассобга теккан қон ҳам афв қилинади. Шунингдек, нажосатга теккан пашшанинг асари ҳам, эшак ва сигирнинг тезаги ҳам. Кўчада сачрайдиган лой ҳам, агар нажосат аниқ бўлмаса, афв қилинади. Валлоҳу аълам!
