Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

Келин ва қайни уканинг муомаласи

08:15 / 05.02.2018 | Sarvar | 3970

Ассалому алайкум! Ота-онам, акам, мен ва келнойим бир уйда яшаймиз.
Акамнинг хотини яъни келнойимнинг онамга яъни қайнонасига мени ҳузуримда қилган кўполлиги ва қўрс муносабати учун бу ҳақда акамга келнойимни тартибга чақириб қўйишларини айтдим. Шундан сўнг келнойим мен билан бир неча ой гаплашмай юрди. Мен ҳам индамай юравердим буни онам кўриб “унақа қилма болам сендан катта ва келнойинг ҳисобланади салом бериб гаплаш” дедилар. Оннам айтганлиги учун мен рози бўлиб салом-алик қилишни бошладим. Бир неча ойдан ўтгандан сўнг ҳудди шундай ҳолат яна такрорланди, келнойим онамга бехурматсизлик ва қўполлик қилди. Бундай вазиятда мен ўзимни ушлаб туролмай келнойимга қаттиқ гапирдим ва қаттиқ тортишиб қолдик. Шундан сўнг мана 2 ойдан буён гаплашмай юрибмиз. Онам яна “келнойинг билан гаплаш саломлаш” деяптилар, лекин айб келнойимда бўлгани ва онамга бехурматсизлик қилгани учун мен келнойим билан гаплашишни хаттоки саломлашишгим ҳам келмаяпти. Мен бу вазиятда қандай йўл тутай?


"Зикр аҳлидан сўранг" ҳайъати:

Ва алайкум ассалом! Сиз келинойнгизга мутлақо номаҳрам ҳисобланасиз. Бизнинг диёрда диний тушунчалар ўта даражада пастлашиб кетгани учун дин аста секинлик билан ўргатилинади – деган гапга асосан Устозимиз Шайх Муҳаммад Содиқ Муҳаммад Юсуф раҳимаҳуллоҳ ака-укалар бир бирларининг хотинларига шаръан бегона эркаклар каби номаҳрам эканликларини айтсаларда, халқимиз қабул қилишини эътиборга олиб урғу билан гапирмас эдилар. Аслида Қуръон оятлари ва ҳадислар асосига кўра келинойингиз сизни олдингизда сатр авратсиз бўлиши ва сиз унга бемалол қараб, бемалол гапиришингиз шаръан жоиз эмас. Балки ҳаром саналади. Хўжайинлик қилиш тарзида муомала қилиш эса умуман ножоиздир. Нари борса акангизни огоҳлантиришингиз мумкин. У ҳам оилани бузишга олиб бормаса. Шунингдек сизнинг таомингизни тайёрлаш, кирларингизни ювиш ва хизматингизни қилиш унинг ҳеч қандай вазифаси эмас. Расулуллоҳ соллаллоҳу алайҳи васалламнинг ушбу ҳадисларини унутмайлик.

عَنْ عُقْبَةَ بْنِ عَامِرٍ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: إِيَّاكُمْ وَالدُّخُولَ عَلَى النِّسَاءِ. فَقَالَ رَجُلٌ: يَا رَسُولَ اللهِ، أَفَرَأَيْتَ الْحَمْوَ؟ قَالَ: الْحَمْوُ الْمَوْتُ. رَوَاهُ الشَّيْخَانِ وَالتِّرْمِذِيُّ

Уқба ибн Омир розияллоҳу анҳудан ривоят қилинади: «Набий соллаллоҳу алайҳи васаллам: «Аёлларнинг олдига киришдан эҳтиёт бўлинг!» дедилар. Шунда бир одам: «Эй Аллоҳнинг Расули, эрнинг қариндошига нима дейсиз?» деди. «Эрнинг қариндоши ўлимдир!» дедилар у зот». Икки шайх ва Термизий ривоят қилганлар. Шарҳ: Бу ҳадиси шарифда Пайғамбаримиз соллаллоҳу алайҳи васаллам номаҳрам эркакларни аёллар олдига киришдан ман қилмоқдалар. Чунки бу жуда ҳам хатарли ишдир. Ҳеч ким йўқ жойда бир аёл билан бир эркакнинг холи қолишига олиб келади. Бу эса ўз навбатида ношаръий, ҳаром ишга, ҳеч бўлмаганда шубҳага, ёмон фикр туғилишига сабаб бўлади. Фараз қилайлик, бир аёл ўз уйида ёлғиз ўтирибди. Эшикдан бир номаҳрам эркак чақириб келди. Ичкарига кирди. Уйда мазкур аёлдан бошқа ҳеч ким йўқлигини билди. Шу пайт иккисини ҳам шайтон васваса қилиши, зинога бошлаши ҳеч гап эмас. Бундай ҳолатлар тез-тез бўлиб туришини ҳамма яхши билади. Зинонинг кўпчилик ҳолатлари айни бегона эркак ва аёлнинг бир жойда холи қолишларидан бошланиши ҳеч кимга сир эмас. Баъзи бирлар даъво қилганларидек, холи қолган эркак ва аёл очиқ кўнгиллик билан, «дўстона» гаплашиб ўтиришди ҳам дейлик. Нимани гаплашишади? Шу пайт хотиннинг эри ёхуд эркакнинг хотини келиб қолса, улар дўстона гаплашиб ўтиришибди, деб ўйлайдими? Умуман, бошқа бир одам, қўни-қўшни кўриб қолса-чи? Баъзи бир кишилар «Уйга эрнинг қариндошлари келиб-кетиб туришади. Зарурат юзасидан ҳеч ким йўғида хотиннинг олдига кирса нима бўлди?» дейишади. Саҳобаи киромлар ҳам худди шу саволни Пайғамбар соллаллоҳу алайҳи васалламдан сўрашган экан. У зот бу иш ўлим билан баробар эканлиги ҳақида хабар берибдилар. Яъни, бу иҳоятда хатарли иш, дебдилар. Чунки бу нарса бепарволикка сабаб бўлади. Мазкур эътиборсизлик оқибатида эса ҳаром иш содир бўлиши ҳеч гап эмас. Акасининг хотини билан зинода қўлга тушган укалар оз эмас. Шунга ўхшаш, бошқа номаҳрам қариндошлар ҳам. Шунинг учун зинҳор ва зинҳор ушбу ҳадиси шарифга хилоф қилмаслик керак. Бунинг учун кимдир бу шаръий амрни тарк этгани туфайли зино қилиб қўйган ёки шубҳага қолиб, бир оила бузилган бўлиши шарт эмас. Шариатда бир ҳукм жорий бўлганми, мўмин-мусулмон киши унга қатъий амал қилавериши лозим. ("Ҳадис ва Ҳаёт" китобидан).  Валлоҳу аълам!

Топ рейтинг www.uz Openstat