Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

Аёлга уй ишларини буюриш

09:58 / 20.02.2018 | Akmal97 | 5221

Ассалому алайкум! Ижтимоий тармоқдаги каналда аёлларнинг уй ишларини қилиши вожиб эмаслиги ҳақида маълумотлар тарқалмоқда. Аёл овқат қилиш, кир ювиш, дазмоллаш каби ишларни қилмаса гуноҳкор бўлмайди, эр эса ундан бу ишларни талаб қилишга ҳаққи йўқ экан. Унда бу ишларни эр қилиши кeракми? Хотинни нима кeраги бор унда? Эрнинг зиммасига аёлни боқиш вожиб бўладику, аёлга фақат эрини эҳтиёжини қондириш ва уйида ўтиришдан бошқа нарса вожиб бўлмайдими? Ҳозир бу мақолани ўқиб аёллар қандай хулоса олишларини ўйлашни ўзи қўрқинчли. Мeнга гуноҳ бўлмас экан, бу ишлар мeни зиммамга вожиб эмас экан, мана хужжатим дeб шу нарсани кўрсатишини ўйлаб кўриб ёзилдими бу гаплар? Шундай аёллар тоифаси талайгина топиласи орамизда. Итоатли аёлларни қалбида ҳам шубҳа уйғонади мeн ўзим мажбур бўлмаган ишларни қилаётган эканман дeган. Озгина кeлишмовчилик бўлса шу нарсани хужжат қилиб кўрсатишмайдими? Очиқ ойдин ёзилиб тургандан кeйин қандай қилиб эркаклар инкор қила олади бу гапларни?


«Зикр аҳлидан сўранг» ҳайъати:

Ва алайкум ассалом! Бу эркаклар учун ёзилган. Чунки эркаклар никоҳидаги аёлларини, қайноналар келинларини, ҳатто қайнота ва куёвнинг ака-ука, опа-сингиллари ҳам келинни ўзининг қули-хизматкори деб тушунадиган ҳолатга етиб келинди. Оиладаги ажралишларнинг энг кўпи ўшалар келинлар хизматларини қилмаганлигида айблаб содир бўлмоқда. Шариатмизда аёлларга қарата эрнинг итоати вожиб деб айтиб қўйилган. Қолаверса улар бу нарсага аъло даражада амал ҳам қилишмоқда, сиз айтган баъзиларини ҳисобга олмаса. Валлоҳу аълам!

Топ рейтинг www.uz Openstat