Мен закотни пулимдан бераманми ёки тақинчоқларимдан?
18:23 / 02.06.2018 | Нодира | 2161
Ассалому алайкум! Менинг нисобга етган пулим бор. Ўзим тақиб юрган, лекин нисобга етмаган тилла ва кумуш тақинчоқларим бор. Мен фақат пулимдан закот бераманми ёки оз миқдордаги тилла ва кумушларимни қийматини хам қўшиб закот бераманми?
«Зикр аҳлидан сўранг» ҳайъати:
Ваалайкум ассалом! Тақиб юрганингиздан ҳам берасиз.
Савол: Тилла, кумуш тақинчоқларнинг ишлатилаётганидан закот бериладими ёки ҳожати аслиядан ортган миқдориданми?
Жавоб: Тақинчоқлар хоҳ ҳожати аслия бўлсин, хоҳ ҳожати аслиядан ташқари бўлсин, улардан закот берилади. (“Мўминнинг нажоти” китобидан). Валлоҳу аълам!
