Рўзам қандай ҳолда?
14:55 / 26.06.2018 | Yusuf | 2431
Ассалому алайкум! Азиз аҳли илмлар, мен рамозон ойидан кейинги 6 кунлик рўзани тутишни ният қилдим. Лекин оғиз ёпишда ниятни унутиб қўйдим ва намоз маҳали эсимга келди. Эшитганман бомдодгача ният қилиб еб ичиш керак деб. Мени эса ёдимдан кўтарилди, бошида 6 кунлик рўзани ниятини қилганим бор. Айтингчи бу ниятим ўтадими? Еб ичиб ёдимдан кўтарилгани учун рўзам дуруст бўладими? Жавобингиз учун олдиндан раҳмат.
«Зикр аҳлидан сўранг» ҳайъати:
- Ва алайкум ассалом! Саҳарлик вақти чиққунча ният қилиб олиш рамазоннинг қазоси, назр рўзаларига тегишли. Рамазоннинг фарзи ва мутлоқ нафл рўзалар учун еб ичмаган бўлса пешин вақти киргунча ният қилиб олса бўлади. Валлоҳу аълам!
