Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

Агар дин сурайё(юлдуз)да бўлса ҳам ҳадиси

17:58 / 17.07.2018 | Нодир | 1027
Ассалому алайкум! Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам: «Агар дин сурайёда (юлдузда) бўлса ҳам, Форсдан бир киши уни олиб кетади (ёки Форс болаларидан бири унга етади)», дедилар». Муслим ривоят қилганлар. Саволим шундаки шу хадисни шархлаб берсангизлар, олдиндан раҳмат.

"Зикр аҳлидан сўранг" ҳайъати:

- Ва алайкум ассалом! 

عَنْ أَبِي هُرَيْرَةَ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: لَوْ كَانَ الدِّينُ عِنْدَ الثُّرَيَّا لَذَهَبَ بِهِ رَجُلٌ مِنْ فَارِسَ - أَوْ قَالَ مِنْ أَبْنَاءِ فَارِسَ - حَتَّى يَتَنَاوَلَهُ. رَوَاهُ مُسْلِمٌ  

Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам:
«Агар дин сурайё
(юлдуз)да бўлса ҳам, Форсдан бир киши уни олиб кетади (ёки Форс болаларидан бири унга етади)», дедилар».
Муслим ривоят қилганлар. 

وَعَنْهُ قَالَ: كُنَّا عِنْدَ النَّبِيِّ صَلَّى اللهُ عَلَيْهِ وَسَلَّمَ إِذْ نَزَلَتْ عَلَيْهِ سُورَةُ الْجُمُعَةِ فَلَمَّا قَرَأَ - وَآخَرِينَ مِنْهُمْ لَمَّا يَلْحَقُوا بِهِمْ  - قَالَ رَجُلٌ: مَنْ هَؤُلَاءِ الَّذينَ لَمْ يَلْحَقُوا بِنَا يَا رَسُولَ اللهِ؟ فَلَمْ يُكَلِّمْهُ حَتَّى سَأَلَهُ مَرَّتَيْنِ أَوْ ثَلَاثًا، قَالَ: وَفِينَا سَلْمَانُ الْفَارِسِيُّ، فَوَضَعَ النَّبِيُّ صَلَّى اللهُ عَلَيْهِ وَسَلَّمَ يَدَهُ عَلَى سَلْمَانَ وَقَالَ: لَوْ كَانَ الْإِيمَانُ عِنْدَ الثُّرَيَّا لَنَالَهُ رِجَالٌ مِنْ هَؤُلَاءِ. رَوَاهُ الشَّيْخَانِ وَالتِّرمِذِيُّ  

Яна ўша кшидан ривоят қилинади:
«Набий соллаллоҳу алайҳи васалламнинг ҳузурларида ўтирган эдик, у зотга «Жумъа» сураси нозил бўлди. У зот:
«Ва улардан ҳали уларга қўшилмаган бошқаларга ҳам»ни ўқиганларида бир киши:
«Ўша бизга қўшилмаганлар ким, ё Расулуллоҳ?» деб сўради.
У зот унга икки ёки уч марта сўрагунича гапирмадилар.
Ичимизда Салмон Форсий ҳам бор эди. Расулуллоҳ алайҳиссалом қўлларини Салмон Форсийнинг елкаларига қўйдилар ва:
«Агар иймон сурайё
(юлдузда)да бўлса ҳам, мана булардан бўлган кишилар унга етадилар», дедилар».
Икки шайх ва Термизий ривоят қилганлар. 

وَعَنْهُ قَالَ: ذُكِرَتِ الْأَعَاجِمُ عِنْدَ النَّبِيِّ صَلَّى اللهُ عَلَيْهِ وَسَلَّمَ فَقَالَ صَلَّى اللهُ عَلَيْهِ وَسَلَّمَ: لَأَنَا بِهِمْ أَوْ بِبَعْضِهِمْ أَوْثَقُ مِنِّي بِكُمْ أَوْ بِبَعْضِكُمْ. رَوَاهُ التِّرْمِذِيُّ بِسَنَدٍ غَرِيبٍ 

Яна ўша кишидан ривоят қилинади:
«Набий соллаллоҳу алайҳи васалламнинг ҳузурларида ажамлар зикр қилинди.
Бас, у зот соллаллоҳу алайҳи васаллам:
«Албатта, мен улар билан 
(ёки уларнинг баъзилари билан), сизлар билан (ёки сизларнинг баъзингиз билан) бўлгандан кўра мустаҳкамроқ боғланганман», дедилар».
Термизий ғарийб санад ила ривоят қилганлар.
Шарҳ: Ислом оламлар дини бўлганлиги учун мусулмон бўлган барча халқлар Расулуллоҳ соллаллоҳу алайҳи васалламга яқин бўладилар. Мўмин-мусулмон халқлар ва қабилаларнинг ҳаммалари яхши бўладилар.  ("Ҳадис ва Ҳаёт" китобидан).

Имом Бухорий ўз китобларида ривоят қилган ҳадисда улкан саҳобий Абу Ҳурайра бундоқ дейдилар: «Пайғамбар алайҳиссаломнинг ҳузурларида ўтирган эдик, «Жума» сураси нозил бўлди. У сурада: «Ва ҳозирча уларга қўшилмаган бошқаларга ҳам», жумласи бор эди. Мен «Улар ким, ё Расулуллоҳ?» деб уч марта сўрадим. Ичимизда Саломони Форсий ҳам бор эди. Расулуллоҳ алайҳиссалом қўлларини Салмони Форсийнинг елкаларига қўйдилар ва: «Агар иймон сурайёда (юлдузида) бўлса ҳам, мана булардан бўлган кишилар унга етадилар», дедилар». Бу ҳадисда Имом Аъзам кўзда тутилган деган гап тахминдан бошқа нарса бўла олмайди.  Валлоҳу аълам!

Топ рейтинг www.uz Openstat