Тўйда ношаръий нарсаларни қўйишмоқчи
15:40 / 20.08.2018 | Sanat | 2244
Ассалому алайкум! Мен уйланмоқчи эдим, уйдагиларим шариатимиз қайтарган нарсаларни тўйда қилишмоқчи. Яъни спиртли ичимликлар. Мен шу ишларига норози бўлиб отамга “агар тўйимда шу спиртли ичимлик бўлса тўйга розимасман” деб отамни гапига қарши чиқсам бўладими?
«Зикр аҳлидан сўранг» ҳайъати:
- Ва алайкум ассалом! Ишни аввалини Аллоҳ рози бўладиган иш билан бошлашни ҳаракатини қилинг. Ҳиндларда бир одат бор, улар молни муқаддас билганлари учун аввал қозонни яхшилаб куйдириб тозалайдилар, кейин муқаддас деб билган молнинг тезагини унга ишқаб чиқади. Сўнг унга ёғ солиб бошқа масаллиқларни ҳам солишади. Табаррук бўлсин учун сигирни бавлидан идишга олиб овқатнинг устига қўли билан сепиб ҳам қўйишади. Сиз бу одатни эшитиб табиатингиз кир ва ундан нафратни ҳис қилишингиз мумкин, лекин бизда бўлаётган шу каби одатлар ҳам бундан кам эмас. Валлоҳу аълам!
