Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

Оятул курси ҳақида

15:16 / 01.09.2018 | Asilzoda | 1003
Ассалому алайкум! Мани 3 та саволим бориди. 1) Оиламиздаги котталар чет элда ишлашади. Ман институтда ўқийман. Намоз ўқишни жудаям хоҳлийман лекин билиб билмай хато ўқиб қўйишдан қўрқаман. Лекин намозни 23 ёшга кириб ҳам ўқишни билмаслигим уят. Гуноҳкорман. Сабр билан ҳар бир ўргатадиган одам йўқ. Яқинда ёши улуғ намозхон отахондан сўраганимда Аллоҳ кўриб турибди сан ўқиябсан экан юракдан ният қилиб қўй намоз ўқишни Худо хоҳласа ўқишни тугатсанг ҳам ўқисанг бўлади деди. Бу қанчалик тўғри? 2). Қиз бола хайз кўрганида дуолар қилиши мумкин эмас деб эшитдим шу тўғрими? Чунки ман Хар тунда Оятул Курсини ўқиб ухлийман. 3). Эшитишим бўйича Оятул Курсини 101 марта ихлос билан ўқиса ниятла рўёбга чиқаркан. Шу ростми? Жавоблар учун раҳмат

"Зикр аҳлидан сўранг" ҳайъати:

- Ва алайкум ассалом! Ўша ёши улуғ намозхон отахон нотўғри айтибди. Сизга намозни кечиктирса бўлади деган одам иймонига эҳтиёт бўлсин. Чунки Аллоҳ таоло ҳар бир балоғатга етган мусулмоннинг зиммасига намозни фарз қилган. Фалондақа фуландақа бўлса кечиктириш жоиз деган гап Аллоҳга қарши чиқиш ҳисобланади. Намозни унутувчилар ҳақида Аллоҳ таоло “Мааъуун” сурасида марҳамат қилади: 

 فَوَيْلٌ لِّلْمُصَلِّينَ۝  الَّذِينَ هُمْ عَن صَلَاتِهِمْ سَاهُونَ۝ 

4. Бир «намозхонлар»га вайл бўлсинки…
5. Улар намозларини унутувчилардир.
Яъни намознинг маъноларини, ҳикматларини, инсоннинг виждонини поклашини, қалбда марҳамат-шафқатни қўзғашини унутганларнинг ҳолига вой! Жойи жаҳаннам!
Аллоҳ таоло «Анкабут» сурасининг 45-оятида: «…албатта, намоз фаҳш ва мункардан қайтарур», – деган. Ким намоз ўқиса-ю, ёмон ишлардан қайтмаса, у намозини унутганлар жамоатидан бўлади.
Ушбу оятларнинг маъноси ҳақида муфассирларимиз бир қанча таъвиллар айтганлар.
Абул Олия: «Булар намозни ўз вақтида ўқимайдиганлар, рукуъ ва саждаларини яхшилаб, батамом қилмайдиганлар», – деган.
Абдуллоҳ ибн Аббос розияллоҳу анҳу: «Бу шундай намозхонки, у ўзи ўқиган намозидан савоб умид қилмайди ва уни ўқимаса, иқобидан қўрқмайди», – деганлар.
Ибн Жарир Тобарий келтирган ривоятда Набий соллаллоҳу алайҳи васалламдан ушбу оят ҳақида сўралганда, «Улар намозни ўз вақтидан орқага сурадиганлар», – деганлар.
Муфассирларимиз ушбу жумладаги келишик қўшимчаларига ҳам алоҳида эътибор берганлар. Оятда «Ан солатиҳим сааҳуун» – «намозларини унутувчилар», дейилмоқда, «фии солатиҳим» – «намозларида» дейилмаяпти. Шундан оятда мунофиқлар ҳақида сўз кетаётгани келиб чиқади. Чунки мўмин киши ҳам намоз ичида баъзи нарсаларни унутиши мумкин. Лекин унутиш билан унутишнинг фарқи бор. Мунофиқнинг намозни унутиши ўқимаслик, унга эътиборсизлик қилиши ила бўлади. Мўмин эса намознинг ичида бирор нарсани унутиб, хатога йўл қўйса, саҳв саждаси қилиб, дарҳол тўғрилайди.
Ушбу оятда зикр қилинганлар мунофиқлар эканига келаси икки оят ҳам далилдир.

 الَّذِينَ هُمْ يُرَاؤُونَ۝ 

6. Улар риё қиладиганлардир.
Намоз ўқиса-ю, намознинг ҳақиқатини унутса, ёмонлик, иғво, бўҳтон, ёлғончилик, бузғунчилик ва бошқа разолатлардан қайтмаса, ундай киши риёкор, мунофиқ бўлади. Одамларнинг кўзини бўяш, улар ҳузурида обрў топиш, ўзини диндор қилиб кўрсатиш учун намоз ўқиган бўлади.

 وَيَمْنَعُونَ الْمَاعُونَ۝ 

7. Ва мааъуунни ман қиладиганлардир.
«Мааъуун»ни баъзи тафсирчилар закот, дейдилар, бошқалари эса хўжаликда керак бўлиб турадиган асбоб-анжомлар, дейдилар.
Ислом сатхий, зоҳирий нарсалар дини эмас. Балки ихлос ва амал динидир. Ибодатлар ихлос билан бўлмаса, эгасини яхши ахлоқ ва омилларга бошламаса, ҳақиқий бўлмайди. Инсон тили билан «Мусулмонман», дейиши, Исломий амалларнинг баъзиларини адо этиши, масалан, намоз ўқиши ҳам мумкин, лекин ҳақиқий мусулмон бўлса, иймон аломатлари унинг юриш-туришида, муомаласида, гап-сўзида, ишида, одоб-ахлоқида – ҳамма-ҳаммасида кўриниб туради. ("Тафсири Ҳилол" китобидан).
Ҳозирда сиз шу ишни қилмоқдасиз.
2). Дуо қилиш мумкин, Қуръон тиловатини қилиш жоиз эмас. Ихлос билан дуо қилинса 101марта ўқишга ҳам ҳожат йўқ. Валлоҳу аълам!

Топ рейтинг www.uz Openstat