Савдо сотувчи тарафидан бузилса?
20:26 / 08.10.2018 | Farruh Jörayev | 1520
Ассалому алайкум! Мен бир дўконни 10сўмга сотиб олдим. Шу дўкондан бир йилда 10сўм ижара ҳам олдим. Яъни, дўкон менга текинга қолди. Лекин, сотган одам, ҳар-ҳил баҳоналар билан, ҳозиргача нотариус қибергани йўқ. Кейин билсам, дўконни пулини 1йилда чиқариб олганимни кўролмай, мендан дўкон учун олган пулни ҳам қайтармаган ҳолда, дўконни ўзига қайтариб олмоқчи экан. Мен эса: "Дўконни менга бай асосида сотиб, пулини тўлиқ олгансиз. Дўкон ҳам, олган ижараларим ҳам меники" деяпман. Менинг муаммоим қандай якун топишидан қатъий назар, саволим шуки, шариъатимиз бўйича мен ҳақлиманми ёки уми?
«Зикр аҳлидан сўранг» ҳайъати:
- Ва алайкум ассалом! Агар ҳолат айни сиз айтгандек бўлса шаръан сиз ҳақлисиз. Бошқача бўлса ҳукми ҳам бошқача бўлади. Пулни олиб бўлган бўлса байни бузишга ҳаққи йўқ. Валлоҳу аълам!
