Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

Эр хотин урушида иссиқ совуқ

16:53 / 16.11.2018 | Sardor | 1111
Ассалому алайкум! Хотиним билан урушиб қолиб ажрашишгага келдик. Ман уни кетишини хохламийман, уни жуда севаман, усиз ман яшомийман, лекин аёлим манга қайтишни хохламаяпти. У мандан воз кечди, хеч нима ёрдам бермаяпти, ота-онам ва махалла аралашди, лекин иложи бўмаяпти қайтаришни. Иссиқ-совуқ қилиб уни қайтаришим мумкунми? Ман шу иши қимоқчиман, тўғрими шу ишим? Бошқа чорам қолмади...

"Зикр аҳлидан сўранг" ҳайъати:

- Ва алайкум ассалом! Хотиннинг қалбини фолбинлар билан иситилмайди. Аллоҳ таоло эр-хотинлик ришталари мустаҳкам бўлиши учун баъзи бир ишларни Расулуллоҳ соллаллоҳу алайҳи васалламга суннат қилиб берди, у зот умматларига намуна тарзида кўрсатиб бердилар. Натижада оналаримиз Расулуллоҳ соллаллоҳу алайҳи васалламга жонларини фидо қиладиган даражада муҳаббатли бўлдилар. Сиз "Бахтиёр оила" китобини олиб ўқинг.
Ҳозирги кунда баъзилар ўзларидан худоча ясаб олиб “Аллоҳ бермаётган бўлса мен йўлингизни очаман, фарзанд кўрасиз, бахтингизни очаман турмушга чиқасиз, берк йўлларингизни очаман ишларингиз юришиб кетади” каби гаплар билан худоликни даво қилишмоқда. Боболарим, момоларим деганлари жинлар бўлади. Аллоҳ таолонинг энг муқарраб бандаси бўлган Расулуллоҳ соллаллоҳу алайҳи васаллам эса қуйидагича дуо қилар эдилар. 

عَنْ وَرَّادٍ مَوْلَى الْمُغِيرَةِ بْنِ شُعْبَةَ رَضِي اللهُ عَنْهُ قَالَ: كَتَبَ الْمُغِيرَةُ إِلَى مُعَاوِيَةَ إنَّ رَسُولَ اللهِ صَلَّى اللهُ عَلَيْهِ وَسَلَّمَ كَانَ إِذَا فَرَغَ مِنَ صَلَاتِهِ وَسَلَّمَ قَالَ: لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ، اللَّهُمَّ لَا مَانِعَ لِمَا أَعْطَيْتَ، وَلَا مُعْطِيَ لِمَا مَنَعْتَ، وَلَا يَنْفَعُ ذَا الْجَدِّ مِنْكَ الْجَدُّ. رَوَاهُ الْخَمْسَةُ إِلَّا التِّرْمِذِيَّ  

Муғийра ибн Шўъба розияллоҳу анҳунинг мавлолари Варрод розияллоҳу анҳудан ривоят қилинади:
«Муғийра Муовияга:
«Расулуллоҳ соллаллоҳу алайҳи васаллам қачон намозларидан фориғ бўлиб, салом берсалар:
«Лаа илааҳа иллаллоҳу ваҳдаҳу ла шарийка лаҳу лаҳул мулку ва лаҳул ҳамду ва ҳува ала кулли шайъин қодийр. Аллоҳумма ла манеъа лима аътойта ва ла муътия лима манаъта ва ла янфаъу зал жадди минкал жадду», дер эканлар», деб хат ёзди».
Бешовларидан фақат Термизий ривоят қилмаган.
Дуонинг маъноси: «Аллоҳдан ўзга ибодатга сазовор Зот йўқ. Унинг Ўзи ёлғиздир, шериги йўқдир. Мулк Уникидир. Ҳамд Уникидир. У ҳар бир нарсага қодирдир. Аллоҳим, Сен берган нарсани ман қилувчи йўқ. Сен ман қилган нарсани берувчи йўқ. Сендан бўлган иқобни қайтарувчи йўқ».
Кўпчилик кишилар ушбу набавий дуони ёдлаб олиб, ўқиб юрадилар. Билмаганлар уни ёдлаб олсалар, яхши бўлади. ("Ҳадис ва Ҳаёт" китобидан). Валлоҳу аълам!

Топ рейтинг www.uz Openstat