Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

Саждадаги дуо мақбулми?

00:00 / 05.05.2007 | eski savollar | 1728
Ассалому алейкум, хазрат. Сиз бир маърузангизда банданинг Оллохга энг якин буладиган пайти сажда вактида дегансиз. Сурайдиган булсангиз Оллохдан шу вактда сураб колинг дегансиз. Бу билан намоз пайтидаги сажданими ёки алохида намоздан ташкарида сажда килиб туриб сурашни тушиниш керакми.

Шайх Муҳаммад Содиқ Муҳаммад Юсуф роҳимаҳуллоҳ:

Бу менинг гапаим эмас. Бу ҳадис.Абу Ҳурайра розияллоҳу анҳудан ривоят қилинади: «Пайғамбар соллаллоҳу алайҳи васаллам: «Банданинг Роббисига энг яқин бўлиши, у сажда қилганидадир. Бас, дуони кўпайтиринглар», дедилар».Намоз банданинг ўз Роббиси ила яккама-якка муножатидир. Намоз мўмин инсоннинг меърожидир. Намоз мўмин инсоннинг Аллоҳнинг ҳузурида ўзини энг хор ва энг паст тутган ҳолидир. Сажда эса, намознинг энг бандалик равшан зоҳир бўлган, хорлик ва зорлик равшан бўлган жойидир. Банданинг зорлиги қанчалар ошса, Аллоҳнинг унга яқинлиги шунчалик ошади. Шунинг учун ҳам банда саждада турганида Роббисига энг яқин ҳолда бўлади. Роббисига яқин бўлиб турганда эса, сўраган нарсаси қабул бўлиши ҳам энг яқин ҳол бўлади. Шунинг учун ҳам, банда саждада турган ҳолида дуони кўпроқ қилиши керак. Имом Муслим ва Аҳмадлар ривоят қилган ҳадисда Пайғамбаримиз соллаллоҳу алайҳи васаллам: «Огоҳ бўлинким, мен рукуъда ва саждада турган ҳолимда Қуръон қироат қилишдан наҳий қилиндим. Аммо, рукуъда Аллоҳнинг улуғланглар, саждада эса, дуо қилишга ижтиҳод қилинглар, сизга ижобат бўлиши лойиқдир», деганлар.Бу каби дуо нафл намозда бўлади.

Топ рейтинг www.uz Openstat