Ақл заковат ва хотира ҳақида
08:15 / 10.01.2019 | Avazbek | 3464
Ассалому алайкум! Исломдаги буюк шахслар тарихига оид мавизаларни эшитиб уларда кучли хотираси, тез ёдлаб олиш хусусиятли инсонлар эканлигига амин бўлдик. Хусусан имом Бухорийни хотираси жуда кучли бўлган экан. Айтингчи, ақл заковат, юксак хотира, тез ёдлаб олиш Аллоҳ томинидан бази инсонларгагина бериладиган улуғ неъматми ёки буларнинг барчасига қандайдир машғулотлар билан эришса бўладими? Фарзандларимизни кучли хотирали ақл заковатли олимлар қаторида юксак чўққиларга эришишлари учун нималарга эътибор бериш керак?
«Зикр аҳлидан сўранг» ҳайъати:
- Ва алайкум ассалом! Биринчи ўринда Қуръон ёдлатиш керак. Бу инсонни энг чўққига олиб чиқадиан амалдир. Кейинги ўринларда болани уч нарсага одатлантириш керак. Ҳамма вақт рост гапириш, намозни эътибор бериб ўқиш ва ўзидан катта хусусан ота-онага хизмат қилиш. Шу ишларни қилган бола дунёда ҳам охиратда ҳам азиз ва бахтли бўлади. Ўша уч ишга Аллоҳ таоло тарафидан мисли кўрилмаган бараканинг ваъдалари берилган. Валлоҳу аълам!
