Васият
22:20 / 10.02.2019 | Otabek | 1650
Ассалому алайкум! Бир ҳовлида амаким билан бирга яшаймиз. Амаким иккта турмуш қурганлар. Иккиси билан ҳам ажрашганлар, икки турмушларидан уч фарзандлари бор. Фарзандлари билан ота болалик алоқалари йўқ. 23 йилдан бери ота онам улар учун ҳам комуналл тўловларини тўлаб келишади. саволим: амаким менга ўз ҳаққиларини яъни меросларини васият қилиб бермоқчилар. Амакимга фарзандларийзга уйни васият қилиб кетассми десам йўқ демоқдалар. Бир кун келиб уч фарзандларидан бири отамни шу ҳовлида ҳаққи бориди деб келса отасидан қолган ҳовли уйни қайтиб беришим керакми йўқми?
«Зикр аҳлидан сўранг» ҳайъати:
- Ва алайкум ассалом! Васият қилса мулкининг учдан бири сизга тегиб икки қисми фарзандларига тегади. Яқинингиздаги бирор аҳли илмга бориб ҳолатингизни тўлиқ тушунтирсангиз сизни мулкингиз бўлиши учун нима шартлигини айтиб беради. Масалан сизга ҳадя қилиб тўлиқ топшириши мумкин. Валлоҳу аълам!
