Рибо ҳақида
12:53 / 14.03.2019 | Abdulloh | 1907
Ассалому алайкум! “Кифоя” китобида рибо ҳақида ўқидим. Тиллога тиллони насияга бериш ҳаром экан. Агар 1кг тилло кимдандир олса қанчадир муддат ўтиб 1кг тилла қайтарса бўладими? Бўлмаса нега? 100$ олиб 100$ қайтарса бўладими?
«Зикр аҳлидан сўранг» ҳайъати:
- Ва алайкум ассалом! Қарз олиш билан сотишнинг фарқи бор. Бу худди “қабул қилдим”, “бағишладим” билан никоҳ боғланиб, “талоқ қўйдим” дейиш билан никоҳ бекор бўлгани кабидир. Бу ерда “қарз бериб туринг” дейилса қарз бўлади. Бу нарса жоиз. “Бир кило тиллани менга насияга сотинг”, деса жоиз эмас. Валлоҳу аълам!
