Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

Ўликхонадаги маййитни ёриш ҳақида

00:00 / 19.01.2007 | eski savollar | 1390

Ассалому алайкум! Биродарлар ва аҳли илм! Менга касбим ҳалол ё ҳаромлигини аниқлаштириб олишга ёрдам берингиз. Мутахассислигим доришунос. Кимёнинг турли бўлимларини ўрганганмиз. Ҳозирда судга оид тиббиёт экспертиза бюросининг суд-кимё бўлимида эксперт кимёгар сифатида ишламоқдаман, иш бошлаганимга роса бир ой бўлди. Менга маъқул бўлмаган ҳолатлар қуйидагича: Лабораториямиз ўликхонанинг устида жойлашган. Яъни, ўликхона ертўлада, биз унинг устида ишлаймиз. Мурдаланингр ички аъзоларини олиб, текширувлар ўтказамиз. Агар ушбу шароит динга хилоф бўлмаса, илтимос жавоб берсангиз, бунда аҳли илмнинг фикри жуда муҳим. Жавобингизни кутиб қоламан. Аллоҳ таоло ҳаммамиздан рози бўлсин.


Шайх Муҳаммад Содиқ Муҳаммад Юсуф роҳимаҳуллоҳ:

ЎЛИКНИНГ ЖАСАДИНИ ЁРИШ Аллоҳнинг Ўзига ҳамдлар бўлсин! Ортларидан набий йўқ зотга салавотлар бўлсин! Ислом Фиқҳи Академияси Маккаи Мукаррамада, Робитанинг биносида, 1408 ҳ.с. 24 - 28 сафар (1987 йил, 17–21 октябр) кунлари бўлиб ўтган ўнинчи мажлисида ўликнинг жасадини ёриб кўриш ҳақидаги масалани кўриб чиқди. Муноқаша ва фикр алмашувлардан кейин Ислом Фиқҳи Академияси бир овоздан қуйидаги қарорларни қабул қилди: Қуйидаги ғаразлар бўйича ўликнинг жасадини ёриш мумкин: 1. Жиноий даъво бўйича текшириш олиб борилаётганда ўлимининг ёки жиноятнинг сабабини билиш учун. Ўлимнинг сабабини билишда бундан бошқа восита бўлмаганда. 2. Маълум касалликларнинг олдини олиш чораларини кўриш мақсадида, уни билиш учун ўликни ёришдан бошқа имкон бўлаганда. 3. Тиббий илмларни ўргатиш ва ўрганишга ҳожат тушганда. Таълим мақсадида ўликни ёриш бўйича қуйидаги шартларга риоя қилмоқ лозимдир: 1. Жасад маълум шахсники бўлса, у ўлимидан олдин ўзини таълим мақсадида ёришга рухсат берган бўлиши лозим. Шунингдек, меросхўрларнинг изни ҳам қабул бўлади. 2. Ёриш фақат зарурат миқдорича бўлиши керак. Ўликнинг жасади ўйинга айланмасиги зарур. 3. Аёлларнинг жасадини аёллар ёриши керак. Зарурий ҳолатлар бундан мустасно. 4. Барча ҳолатларда ҳам ёрилган жасаднинг барча бўлаклари дафн қилиниши зарур.

Топ рейтинг www.uz Openstat