Байрамлар
14:08 / 06.04.2019 | Najmiddin | 2305
Ассалому алайкум! Қизимиз 5 ёшда, болалар боғчасига боради. Унинг гуруҳида рус миллатига мансуб болалар ҳам бор. Уларнинг ота-оналари туғилган кунларида тортнинг устига шамчалар қўйиб ва ёздириб боғчага олиб келиб болаларга байрамча қилишаркан. Афсуски, бу борада бизнинг ўзбеклар ҳам улардан қолишмас экан. Биз боламизни кўнгли ўксимасин деб ўтган йили эртага Рамазон ҳайити дейдиган кунда боғчага совғалар олиб бордик ва болаларга улашдик. Қизимизга бу сенинг байраминг деб айтдик. Сизлардан шуни сўрамоқчи эдик: 1) Биз Рамазон ойида ва рўза тутиладиган вақтда егуликлар улашдик бу тўғрими?
2) Рамазон бошланишидан олдинроқми ёки ҳайитдан олдинроқми тортни устига "Рамазон муборак", "Ҳайит муборак "деб ёздириб болаларга олиб бориб улашсак бўладими?
«Зикр аҳлидан сўранг» ҳайъати:
- Ва алайкум ассалом! Рамазондан 1-2 кун олдин қилсаларингиз янада афзал бўлади. Шу билан ўша болаларни ҳам рамазонга муштоқ бўлишига сабабчи бўласизлар. Қурбон ҳайитида ҳам шундай қилсангизлар чиройли бир таълимни берган бўласизлар. Валлоҳу аълам!
