Ун икки ракат суннат

Ассалому алайкум ва раҳматуллоҳи ва барокатуҳу!Савол: Умму Ҳабиба (р.а)дан ривоят қилинади: «Расулуллоҳ (с.а.в)нинг: «Ким юир кеча-кундузда ўн икки ракъат намоз ўқиса, улар туфайли унга жаннатда уй бино қилинади»- деганларини эшитдим…(Бу ҳадисда зикр қилинган ўн икки ракъат намоз ҳар куни мунтазам ўқилиши тавсия қилинган нафл намозлардир: ишроқ, зухо, завол суннати, авваабин ва таҳажжуд. – Тарж) «Расулуллоҳ саллаллоҳу алайҳи васаллам» китоби. Таржимон Шайх Муҳаммад Содиқ Муҳаммад Юсуф. 170-171-бетлар.Худди шу ривоят «Кифоя» китобингизда муаккада суннат намозларини ўқиш бобида келтирилган. Ривоятдаги ўн икки ракъат ҳам айнан муаккада суннат намозлари ракъатларига тўғри келади. 1-жуз, 368-бет.Изоҳда келтирилган ишроқ, зухо, завол суннати, авваабин ва таҳажжуд неча ракъатдан ўқилса ўн икки ракъатга тўғри келади? Бу ривоятдан чиқарилган икки хил ҳукмни тушунтириб берсангиз.Дин йўлида қилаётган ишларингизни Аллоҳ бардавом айласин! Амин!