Балоғат ёши
06:57 / 02.03.2017 | Maftuna | 3709
Ассалому алайкум! Қиз ва ўғил болаларга намоз неча ёшдан фарз қилинган? Аллоҳ сизлардан рози булсин!
«Зикр аҳлидан сўранг» ҳайъати:
Ва алайкум ассалом! Ўғил боланинг балоғатга етганлигининг уч аломати: 1. Тушида булғаниши; 2. Тушида булғанмасада балоғатга етмай уйланган бўлса, маний келиши ва аёлини ҳомиладор қилиши; 3. Икки аломат топилмаса, ўн беш ёшга тўлиши билан болиғ ҳисобланади. Қиз боланинг балоғатга етиш аломатлари қуйидагилардир: 1. Энг ками тўққиз ёшга кирганда ҳайз қонини кўриши. Ундан аввал кўрган қони ҳайз ҳисобланмайди; 2. Тушида булғаниши билан; 3. Ҳомиладор бўлиши; 4. Ўн беш ёшга тўлиши. Валлоҳу аълам!
