2005 — саволга оид

2005 — саволга оид

СаволларМавзу: Ҳалол ва Ҳаром2005 — саволга оид
Anvar сўради 2 хафта аввал

Ассалому алайкум!

Мeн 2005 саволга оид савол ё’лламоқчи eдим.
2005-савол
Ит боқиш ва сотишга оид саволлар

Ассалому алайкум! 1). Ит боқиладиган уйда қилинган амаллар хабата бўлиб кетар экан. Бизнинг уйда акам ит боқади ва сотади. Унга ота-онамнинг ҳам, менинг ҳам гапимиз ўтмайди. Ота-онам ва менинг қилган ибодат ва хайрли амалларимиз ҳам хабата бўлиб кетадими?
2). Акам ит сотиб топган даромадига уйга егуликлар олиб келади. Шундан еса бўладими? Мен-ку умуман емайман. Аммо ота-онам билмасдан еб қўйиши эҳтимоли юқори.

ЖАВОБ:

— Ва алайкум ассалом!
عَنْ أَبِي هُرَيْرَةَ رَضِي اللهُ عَنْهُ صَلَّى، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: مَنِ اقْتَنَى كَلْبًا لَيْسَ بِكَلْبِ صَيْدٍ وَلَا مَاشِيَةٍ وَلَا أَرْضٍ فَإِنَّهُ يَنْقُصُ مِنْ أَجْرِهِ قِيرَاطَانِ كُلَّ يَوْمٍ. رَوَاهُ مُسْلِمٌ والْبُخَارِيُّ. وَلَفْظُهُ: مَنْ أَمْسَكَ كَلْبًا فَإِنَّهُ يَنْقُصُ كُلَّ يَوْمٍ مِنْ عَمَلِهِ قِيرَاطٌ إِلَّا كَلْبَ غَنَمٍ أَوْ حَرْثٍ أَوْ صَيْدٍ
Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам:
«Ким ов ити, чорва ити ва зироат ити бўлмаган итни сақласа, албатта, унинг ажридан ҳар куни икки қийрот ноқис бўлади», дедилар».
Муслим ва Бухорий ривоят қилганлар.
Бухорийнинг лафзида:
«Ким ит сақласа, албатта, унинг амалидан ҳар куни бир қийрот ноқис бўлади. Чорва ёки зироат ёки ов ити мустасно», дейилган.
Шарҳ: Исломда ит боқишга учта сабаб туфайли рухсат берилган:
1. Ов учун ит боқса бўлади.
2. Экинзорларни қўриш учун ит боқса бўлади.
3. Қўй ва бошқа ҳайвонларни қўриш учун ит боқса бўлади.
Умумий қилиб айтганда, қўриқчи итларни боқса бўлади.
Ҳозирги пайтларда баъзи изқуварлик ёки нарсаларни ҳидлаб, билиш учун ишлатилаётган итлар ҳам қўриқчилик учун ушлаб туриладиган итлар қаторига киради.
Бошқа мақсадлар учун ит ушлаб туриш шариатга хилоф саналади. Чунки ит нажас нарса. Ялаган, ҳидлаган нарсаларини ҳам нажасга айлантиради. У нажас нарсаларни егани учун оғзида ўта заҳарли микроблар кўп бўлади. Бунинг устига, ит вақти-бемаҳал ҳуриб, кишиларни безовта қилади, уларга озор беради. Бўшалиб кетган итлар эса кишиларни қопиб олиши, турли жароҳатларга, касалликларга ва ҳатто қутуриб қолишга сабаб бўлиши мумкин. Шу маънода турли жамиятда тез-тез итларни қириб ташлаш ишлари олиб бориб турилиши ҳам бунинг исботидир. («Ҳадис ва Ҳаёт» китобидан).
2). Савдосидан тушган пул ҳалол. Валлоҳу аълам!

Савдосидан тушган пул ҳалол дeйилинган. Ит савдоси билан шуғулланадиган биродаримиз айнан овчи ёки қўриқчи ит боқишлари аниқ эмас, шу боисдан биродаримиз топаётган пул нeга ҳалоллигини тушунтириб бeрсангизлар. Зeро сизлар сабабли биз ҳам озгина илмга эга бўлиб қолсак.

1 жавоб
"Зикр аҳлидан сўранг" ҳайъати Маъмурият жавоб берди 2 хафта аввал

Ва алайкум ассалом!

Ҳанафийлар наздида итнинг савдоси жоиз. Уларнинг бу борадаги ҳужжати ит сотиладиган нарса ҳисобланади, ундан фойдаланиш шаръан жоиз. Шариат, ов ва қўриқчиликда ундан фойдаланишни мубоҳ қилган. Шунинг учун у савдо моли ҳисобланади. Ҳадисда итнинг пулидан қайтарилгани ҳаром эмас, балки танзиҳий қайтариш ҳисобланади. Чунки ит боқиш шарафли инсонларнинг амали ҳисобланмайди.
“Бизнинг наздимизда ит худди бургут, лочин каби сотиладиган нарса ҳисобланади”. (Бадоеъ саноиъ). Валлоҳу аълам!