15 кунини тутолмас эканман
19:27 / 01.06.2017 | Mehmon12 | 2911
Ассалому алайкум! Хаммамизга Рамазон ойи муборак бўлсин. Мен рўзамни биринчи кунини тутдим, аммо касаллигим дориларимни ичолмай қолганим туфайли рўзамни 15 кунини тутолмас эканман. Жуда хам хафаман. Саволим қазо рўзамни рамазон ойи тугаганидан сўнг тутиб қўйсам савоби рамазон ойичалик бўладими? Аллоҳ ажрини рамазон ойичалик берадими? Истиғфорларим хам шу муқаддас ойда ўтганичалик ўтадими? Сизларга ташаккур.
«Зикр аҳлидан сўранг» ҳайъати:
Ва алайкум ассалом! Сиз тажриба қилиб тутиб кўринг. Агар салбий таъсир қилмаса охиргача тутаверинг. Қазосини қачон тутсангиз ҳам зиммангиздан соқит бўлади, лекин рамазоннинг фазилати бошқа ойларда топилмайди. Валлоҳу аълам!
