Оғзимда қоннинг таъми келди

СаволларМавзу: ИбодатларОғзимда қоннинг таъми келди
Alisher сўради 4 ой аввал

Ассалому алайкум! Вақт ажратиб турли-туман саволларга жавоб бeраётганингиз учун Аллоҳ рози бўлсин. Кeча ифторгача хали вақт бор эди, оғзимда бeихтиёр қон мазасини сeздим (милкдан бўлса кeрак) ва туфлаб ташладим. Лeкин ичимга сўлак билан кeтмадимикин дeган гумон пайдо бўлди. Бу холатда рўза очиладими? Умуман оғиз шиллиқ қаватидаги қон сўлак ҳукмига ўтадими ёки туфлаб ташлаш кeракми? Раҳмат.

1 жавоб
Best Answer
"Зикр аҳлидан сўранг" ҳайъати Маъмурият жавоб берди 4 ой аввал

Ва алайкум ассалом!

Аниқ нарса шубҳа ила кетмайди. Бир киши мендан васвасага дучор бўлган киши ҳақида сўраб: “У уч бор сувга шўнғиса ҳам ғуслим тўлиқ бўлдимакан деб ўйланиб қолади?” деди. Мен ундай кишидан намоз соқит бўлади дедим. Чунки ундай одамнинг ақли жойида эмас. Ақли жойида бўлмаган кишиларга намоз фарз бўлмайди” дедим.
Сизнинг рўзангиз ҳам қуйидаги ҳадисга тушади
Бундай кишилар ҳақида Расулуллоҳ солаллоҳу алайҳи васаллам кўрсатмалар берганлар.

عَبَّادِ بْنِ تَمِيمٍ عَنْ عَمِّهِ أَنَّهُ شَكَا إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ الرَّجُلُ الَّذِي يُخَيَّلُ إِلَيْهِ أَنَّهُ يَجِدُ الشَّيْءَ فِي الصَّلَاةِ ، فَقَالَ : لَا يَنْصَرِفْ حَتَّى يَسْمَعَ صَوْتًا أَوْ يَجِدَ رِيحًا  ، وروى مسلم

Аббод ибн Тамим розияллоҳу анҳу амакисидан ривоят қилади
“Амакиси Расулуллоҳ солаллоҳу алайҳи васалламга намозида бир нарсани топкандай бўладиган кишининг шикоятини етказди. Шунда у зот: “То овозни эшитмагунича ёки ҳидни топмагунича намоздан чиқмасин!” дедилар”.
Фуқаҳолар ушбу ҳадисдан “Аниқ нарса шубҳа ила кетмайди” деган қоидани олганлар. Валлоҳу аълам!